Ulqin 11.5.2009: Pas prezantimit të sukseshëm të ofertës turistike në tetë qendra të Kosovës sot kryetari Hajdinaga filloi turin e ri të prezantimeve në Maqedoni. Fillimisht në kryeqytetin e vendit Shkupin, zoti Hajdinaga u takua me zëvëndëskryeministrin z.Abdilhaqim Ademi. Për një orë sa zgjati takimi u preken një sërë çështjesh të  rëndësishme, e në veçanti ato qe kanë të bëjnë me bashkëpunimin e ndërsjelltë. z. Ademi, foli për zhvillimin e proceseve demokratike ne vend dhe për zgjedhjet e zhvilluara, aplikimin e marrëveshjes së Ohrit dhe pozitën e shqiptarëve, ndërkohë që gjatë u ndal për bashkëpunimin  e Ulqinit me qendra të ndryshme të Maqedonisë veçmas me ata ku shqiptarët përbëjnë shumicën. Veçmas interesim tregoi për përgatitjet që janë bërë në fushën e turizmit, çmimet e ofertës dhe shprehu bindjen që edhe këtë verë  mysafirë të shumtë nga Maqedonia do të vizitojnë Ulqinin. Nga ana tjetër Kryetari Hajdinaga i shprehu mirënjohje për pritjen   dhe detalisht  foli për përgatitjet që janë bërë në nivel të komunës dhe republikës, për lehtësirat e krijuara për afaristët e turizmit, çmimet dhe të gjithë atë që pritet të realizohet gjatë sezonit turistik.  I bindur që edhe sezoni 2009 do të jetë i sukseshëm z. Hajdinaga u shpreh i gatshëm për bashkëpunim në fusha të ndryshme me disa  nga qytetet e Maqedonisë, duke veçuar Strugën, Shkupin, respektivisht Çairin, Tetovën, Gostivarin etj. Një takim  tjetër i rëndësishëm ishte ai i kryetarit Hajdinaga  me Ministrin e ekonomise  Dr. Fatmir Besimi.ku fokusimi qëndrore ishte në fushen e turizmit dhe valorizimet që priten të realizohen  në qytetin tonë. Të dy bashkëbiseduesit vlerësuan takimet dhe ishin të mendimit që   këto i ndihmojnë bashkëpunimit ndërmjet qyteteve dhe vendeve të rajonit. Interesimi nga ana e masmedjeve ishte tejet i madh për këto takime. Dita e parë e qëndrimit në Shkup u përmbyll me një vizitë Komunës së Çairit, njerës nga l0 komunat e Shkupit, komunë me shumicë shqiptare. Po sot në Shkup qendroi dhe një delegacion i zgjeruar i Podgoricës  i kryesuar nga Ministri i turizmit Neneziq, Drejtori i Organizatës nacionale turistike Sasha Radoviq dhe Ambasadori i Malit të Zi në Shkup Dushko Llalliqeviq në prani të një numri të madh të të ftuarve u  bë prezantimi i ofertës turistike të Malit të Zi në Maqedoni. Në orët e mbrëmjes kryetari i Ulqinit z Gëzim Hajdinaga do të organizojë një pritje koktej për punëtorët dhe zyrtarët e turizmit në Shkup, ndërkohë që nesër priten të vizitohen qendrat Tetovë e Gostivar.

Ulqin 9.5.2009: Kryetari Hajdinaga vizitoi qytete Pejë, Deçan e Gjakovë. Ai u prit nga nikoqiët z. Ali Berisha, z. Musa Berisha dhe z. Pal Lekaj. Në të tre takimet u vlerësua bashkëpunimi i ndërsjelltë dhe  u shpreh gadishmëri që në një të ardhme të afërt të nënshkruhen edhe memorandumet e bashkëpunimit. Nikoqirët shprehen bindjen që edhe përkundrejtë krizës globale interesimi për të veruar në Ulqin ka qenë dhe do të jetë permanet, ashtu edhe gjatë kësaj vere. Kryetari Hajdinaga shprehu falenderime në emër të qytetarëve të Ulqinit dhe theksoi që Ulqini është i gatshëm të presë mysafirët  dhe do të sillet konfomë krizës që na rrethon. Të gjithë takimet ishin të përcjellura nga medije të shumta të cilat po i kushtojnë vëmëndje qëndrimit të delegacionit të Ulqinit në Kosovë. Sot priten të vizitohen dy qendra të tjera, ndërkohë që ka mbërritur edhe axhenda e detajuar  rreth takimeve që delegacioni nga Ulqini do të ketë në Maqedoni.

Ulqin 14.3.2009: Kryetari Komunës së Ulqinit Gëzim Hajdinaga priti sot në një  takim pune Zevëndësdrejtorin e Drejtorisë për Komunikacion z. Dushko Kokiq dhe delegacionin pesë anëtarësh të Studios projektuese DB inxhinjering me seli në Beograd të cilët kanë fituar në tenderin e shpallur për projektin e urës mbi Port Milene.Pasi bënë një prezantim të shkurtër për vehte dhe projektet e realizuara, ekipi i projektuesve nga Beogradi kërkoi të dhëna ndihmëse që do ti vijnë në ndihmë me rastin e hartimit të projektit  ideor i cili duhet të jetë i gatshëm brenda 60 ditëve, rrespektivisht atij qendrorë që duhet të perfundojë për 90 ditë.Kryetari Hajdinaga duke i përshëndetur të pranishmit autorizoi shërbimet komunale që të plotesojnë në kohën sa më optimale të gjitha kërkesat e grupit projektues. U tha që Studio projektuese do të ofrojë për shqyrtim dy variante të projektit.Ndërtimi i urës në Port Milene është projekt kapital për qytetin tonë i cili ka një kosto tepër të lartë që do të realizohet nga Drejtoria për komunikacion.Ministri Llompar edhe në deklaratën e fundit nënvizoi se mjetet  për këtë projekt janë të siguruara.Andaj, mbetet të punohet me ngut me qëllim që pas sezonit turistik  të fillojë realizimi i projektit në fjalë.

Ulqin 18.3.2009: Në Ulqin qëndroi për vizitë pune Ambasadorja e Ukrahinës në Podgoricë Oksana Sljusarenko. Në takimin që ajo pati me Kryetarin Hajdinaga bëri një prezantim të shkurtër të Ukrahinës dhe u ndal në aktivitetetet e larmishme që ka zhvilluar ambasada gjatë kësaj kohe veçmas ata që kanë për qëllim bashkëpunimin e ndërsjelltë ndërmjet dy vendeve por sipas saj fusha të shumta bashkëpunimi kanë mundesi të jetësohen edhe me Ulqinin. Nga ana tjetër Kryetari Hajdinaga, duke i dëshiruar mirëseardhje në Ulqin, foli për resurset e qytetit dhe mundësitë e zhvillimit të tij. Hajdinaga  u pajtua  me Ambasadoren Sljusarenko që ekzistojnë fusha të shumta të bashkëpunimit dhe u shpreh i gatshëm që të punohet në këtë drejtim. Ai insistoi në kontakte ndërmjet afaristëve dhe firmave të specializuara, vizitë panaireve dhe aktiviteteve kulturore të të dy vendeve. U la që takimet të vazhdojnë dhe palët të kenë qasje më për së afërmi për atë që ndodh në të dy vendet e që janë me interes të ndërsjelltë.

Ulqin 17.3.2009: Në iniciativë të kryetarit Hajdinaga sot në Podgoricë u organizua një takim me nënkryetarin e qeverisë për çështje ekonomike z.  Vujica Llazoviq. Në përbërje të delegacionit ishin z.Batko Gjakonoviq, kryetar i  shoqatës për kthimin e pronave në Valdanos dhe anëtarët e shoqatës Avdo Gorana, Xhemal Haxhibeti dhe Prof. Maksud Haxhibrahimi. Ata dhanë sugjerime lidhur me studimin e lokacionit të Valdanosit të punuar nga Qeveria duke nënvizuar rëndësinë që duhet kushtuar trungjeve të ullinjve dhe mosdëmtimit të tyre. Edhe njëherë u përsërit qëndrimi për vazhdimin e aktivitete që kanë për qëllim kthimin e ullishtës së Valdanosit ish pronarëve. Delegacioni nga Ulqini u shpreh i gatshëm që të marrë në shqyrtim  draftin e kontratës të punuar nga Qeveria për shfrytëzim të ullishtës së Valdanosit dhe i njejti të nënshkruhet. Nënkryetari Llazoviq njëherit përshëndeti takimin e sotem dhe u shpreh i gatshëm dhe për takime  të tjera. Ai paralajmeroi se në gjysmën e muajit të ardhëshëm do të jetë në krye të një delegacioni qeveritar ku sëbashku me ministrin Llukshiq dhe Simoviq do të qëndrojnë në Ulqin dhe me palët e interesuara do të trajtojnë çështjen e Valdanosit me qëllim të gjetjes së gjuhës së përbashkët qe do të ishte në interes të dyanshëm.

Ulqin 2.3.3009: Një delegacion nga qyteti ynë i kryesuar nga Kryetari Hajdinaga, morri pjesë në  Panairin turistik UTAZASH që u organizua në  Budapest.
Panairi u hap me 26 shkurt dhe tuboi një numër të madh të shtetesh të cilët nëpërmes organizatave të tyre nacionale bënë prezantimet e ofertës turistike.
Viteve të fundit në bregdetin e Malit të Zi, vërehet një rritje e mysafirëve hungarez, sipas statistikës mbi 300 mijë, andaj në Panair u prezantua oferta turistike e Ulqinit, Kotorrit, Budvës, Tivarit etj.
Përfaqësuesit e agjencive turistike të Ulqinit dhe ata të hotelerierëve u prezantuan denjësisht në këtë aktivitet ndërkohë që Kryetari Hajdinaga pati takime të rëndësishme pune.
Ai fillimisht u takua me z. Daniel Neustadtlom, Projektmenaxher i kompanisë prestigjioze hungareze HUNGEST HOTEL e cila ka kapacitete hoteleriere edhe në Herceg Novi.
Z.Hajdinaga i ftoi përfaqësuesit e kompanisë në fjalë për bashkëpunim të ndërsjelltë të vizitojnë Ulqinin dhe të shohin mundësinë e investimeve në qytetin tonë.
Nikoqirët pranuan me kënaqësi ftesën.
Një takim tjeter i rëndësishëm që u organizua ishte ai me përfaqësuesit e gjigandit TRIGRANIT, të cilët kanë treguar interesim permanent për investime në Ulqin veçmas kur është fjala për Plazhin e madh.
Kryetari  Hajdinaga në shoqërinë e përfaqësuesve të Trigranitit  vizituan objekte dhe komplekse që kjo kompani e njohur në Evropë në fushën e ndërtimtarisë ka kryer në Budapest.
Gjatë qëndrimit të delegacionit tonë në Budapest u hodh ideja për vënijen e kontakteve ndërmjet Ulqinit dhe Distritit të pestë të kryeqytetit hungarez, është fjala për distriktin më atraktiv që përfshin pjesën qëndrore të Peshtës ku janë të instaluar Parlamenti, Katedralja, Akademia e shkencave, një numër i madh i hoteleve  dhe urat më të bukura të Danubit.
Në një të ardhme të shpejtë mund të pritet dhe takimi i dy delegacioneve.
Kryetarin Hajdinaga në këto takime shoqërohej dhe nga Ambasadori i Malit të Zi në Hungari Dr. Vanja Brailo.
Ambasadori vleresoi lartë angazhimin e delegacionit tonë dhe u shpreh i gatshëm për venijen e urave të bashkëpunimit ndërmjet Ulqinit dhe pjesëve atraktive të Budapestit.
Delagacioni poashtu vizitoi edhe bursën turistike në qytetin e Beogradit ku ka zhvilluar një sërë takimesh me përfaqësues relevant të turizmit të këtij vendi.

Ulqin 16.2.2009

Kryetari i  Komunës së Ulqinit Gëzim Hajdinaga uron Presidentit e  Republikës së Kosovës, Fatmir Sejdiun me rastin e përvjetorit të parë të Ditës së Pavarësisë

Në mesazhin e tij thuhet

Ju uroj përzemërsisht Juve, dhe nëpërmjet Jush, gjithë popullin e Kosovës, me rastin e përvjetorit te parë të Ditës së Pavarësisë!
Në ditëlindjen e parë të shtetit të Kosovës Ju keni dëshmuar se jeni të denjë të ndërtoni shtetin e së drejtes demokratik e sovran të lirë dhe të barabartë për të gjithë qytetarët e Kosovës.
Z President, jam i bindur që një shtet i tillë demokratik do të ecë përpara drejtë të ardhmes evropiane dhe euroatlantike. Sinqerisht i Juaji, Kryetari       Gëzim Hajdinaga

Kryetari i Komunës së Ulqinit Gëzim Hajdinaga uron Kryeministrin e Republikës së Kosovës, Hashim Thaçi me rastin e përvjetorit të parë të Ditës së pavarësisë.

Në mesazhin e tij thuhet:

Ju shpreh urimet më të përzemërta për përvjetorin e parë të Kosovës së pavarur.

Në këtë ditë kremteje jemi me Ju, me popullin e Kosovës i cili edhe në ditëlindjen e parë  dëshmoi dhe përforcoi besimin ndërmjet miqve se meriton për të jetuar në një shtet të lirë, demokratik e të mëvetësuar.

Z. Kryeminister, duke Ju uruar edhe njëherë këtë përvjetor të gëzueshem, dëshiroj që sa më parë Mali i Zi dhe Kosova të ecin drejtë të ardhmes europiane dhe euroatlantike.

Pranoni konsideratën time më të lartë.  Kryetari      Gëzim Hajdinaga

Ulqin 11.2.2009: Kryetari i Komunës së Ulqinit Gëzim Hajdinaga dhe bashkëpunëtorët e tij priten delegacionin e Kosovës të tubuar rreth asociacionit të turizmit KOTAS.
Është hera e parë që një delegacion i këtij lloji viziton Ulqinin. Kryetari Hajdinaga i njoftoi  të pranishmit me aktivitetet që po zhvillohen gjatë këtyre ditëve për prezantim të denjë të ofertës turistike të Ulqinit në bursat turistike. Ai veçoi që nesër në panairin e turizmit në Budvë nga qyteti ynë në mënyrë të organizuar do të prezantohen 10 subjekte e kështu do të vayhdohet dhe në bursat e tjera në rajon. Vëmendje e veçantë do t’i kushtohet prezantimit në  panairin e Prishtinës.
Bashkëbiseduesit i shprehën falenderime Kryetarit Hajdinaga qytetit të Ulqinit dhe Malit të Zi për njohjen e Kosovës shtet të pamvaruar dhe theksuan që ka ardhur koha e bashkëpunimit të ndërsjelltë ndërmjet dy vendeve të pamvarura. Në takim u tha se  fushat e bashkëpunimit janë të shumta dhe për këtë ekziston   gadishmëri e përbashkët.
Delegacioni nga Kosova vazhdoi takimin me kolegët e turizmit  nga qyteti ynë ndërkohë që edhe ata do të jenë të pranishëm në  bursën e Budvës ku do të kenë takime të shumta edhe me zyrtarë nga Mali i Zi.Pritet që këtë sezonë turistike përfaqësuesit e tubuar rreth Asociacionit KOTAS të angazhohen për begatimin e ofetës turistike. Palët u dakorduan që takimet e tilla të vazhdojnë edhe gjatë muajve të ardhshëm.
 

Ulqin 10.2.2009: Kryetari i Komunës së Ulqinit Gëzim Hajdinaga dhe bashkëpunëtorët e tij mbajten takimin e rradhës me përfaqësuesit e agjencive turistike dhe atyre hoteleriere të qytetit tonë.
Edhe njëherë detalisht u bë fjalë për prezantimin në bursën turistike METUBES 2009 të Budvës.
U tha që 10 subjekte do të prezantohen sëbashku në një stendë 52 metra katrorë dhe se është përgatitur një spot publicitarë, katalogu dhe materiale të tjera propagandistike.
Të pranishmit e takimit edhe njëherë veçuan rëndësinë e prezantimit të përbashkët edhe në bursat e tjera turistike në vende të rajonit.
Prezantimi i rradhës do të jetë në Budapest, ndërkohë që do të punohet për prezantim të ofertës në Sarajevë, Prishtinë, Tiranë,  Shkup etj.
Edhe në këtë takim Kryetari Hajdinaga veçoi që perfaqësuesit e agjencive turistike dhe ata të hotelerierëve mund të llogarisin në ndihmën e pakursyer të komunës.
Ai po ashtu paralajmëroi vizitën e delegacionit KOTAS nga Kosova në qytetin tonë dhe pritjen që do t’i organizohet atyre.
Të gjithë të pranishmit veçuan rëndësinë e takimeve të këtij lloji, veçmas në momentet e krizës andaj u la që takimi i rradhës të mbahet menjëherë pas bursës së Budvës ku do të bëhet analiza detale e prezantimit dhe do të ndërrmirren masa përkatëse për prezantimin e rradhës. 

Ulqin 2.2.2009: Në iniciativë të Kryetarit të Komunës së Ulqinit z. Gëzim Hajdinaga u organizua takimi me përfaqësuesit e turizmit të qytetit tone.Prezantimi i përbashkët i ofertës turistike, publikime të reja të materialeve propagandistike dhe pjesëmarrja në bursat e vendeve të rajonit ishin temat ku u përqendruan të pranishmit e takimit.Fillimisht u përshëdet nisma e Kryetarit Hajdinaga dhe u shpreh gadishmëri e përgjithshme për dhënijen e ndihmesës.U la që në Panairin e Budvës oferta turistike e Ulqinit të prezantohet me një stendë të veçantë prej 52 metra katrore, ku shpenzimet do t’i heq Komuna e Ulqinit, ndërkohë që e njëjta gjë pritet të realizohet edhe në bursat tjera si në Çeki, Hungari, Poloni, Rumani etj.Kryetari Hajdinaga theksoi që edhe këtë vit komuna sëbashku me përfaqësuesit e turizmit do të angazhohet maksimalisht në Panairin e Prishtinës, Shkupit, si dhe veçoi atë të Sarajevës ku paralajmëroi dhe binjakëzim me Qytetin e vjetër të Sarajevës, dhe në disa qendra të tjera tërajonit.Ai po ashtu palalajmroi se po punohet edhe materialet propagandistike. Pjesëmarrësit e takimit u dakorduan që takimet e tilla të jenë të shpeshta dhe të mirren masa adekuate me qëllim që pasojat e krizës të janë sa më të vogla.
 

Ulqin.10.12.2008: Kryetari Hajdinaga me rastin e Ditës ndërkombëtare e të drejtave të njeriut dhe 60 vjetorit të miratimit të Deklaratës universale për të drejtat e njeriut

Respektimi i të drejtave të njeriut duhet të jetë gurthemeli i çdo politike. Shoqëritë e lira kanë disa gjëra të përbashkëta: respekt të gjithanshëm për të drejtat e njeriut, trajtimin e grave dhe pakicave si qytetarë me të drejta të plota, liria e fjalës dhe e fesë dhe shteti ligjor.

Në Deklaratë e Asamblesë së përgjithshme të Kombeve të Bashkuara thuhet “Të gjithë njerëzit lindin të lirë dhe të barabartë në dinjitet dhe në të drejta”. Kjo tregon qartë që secilit individ i garantohen të drejtat e plota dhe se askush nuk mund t’ia kufizojë përsa i përket racës, ngjyrës, gjinisë, gjuhës, besimit fetar, mendimit politik, origjinës kombëtare a shoqërore, pasurisë, lindjes ose tjetër.

Është detyrë e liderëve politik dhe e të gjithë ne që me guxim dhe ndërgjegje të përmbushim përgjegjësitë tona dhe të sigurojmë që çdo qënie njerzore të gëzojë paqen, lirinë dhe dinjitetin që Krijuesi ynë ka synuar për të gjithë ne.

Ulqin 20.11.2008: Kryetari i Komunës së Ulqinit Gëzim Hajdinaga dhe bashkëpunëtorët e tij priten sot në një takim pune Prof. Dr Ruzhdi Ushakun, Mr.Riza Rexha, Prof. Jusuf Lika dhe z.Fadil Kroma. Në takim Kryetari Hajdinaga shpalosi idenë e tij që ka të bëjë me gjetjen, grumbullimin dhe publikimin e fotografive të personave që  kanë qenë në krye të Komunës së Ulqinit.Të gjithë të pranishmit përshëndetën idenë dhe e cilësuan atë nisëm  të mbarë e respekt jo vetëm për këta persona por edhe kujdes ndaj periudhave të caktuara. Ata shprehën gadishmëri për punë hulumtuese në arkivat e vendit. Kryetar i grupit punues u zgjodh z. Fadil Kroma i cili dekada të tëra ka qenë në krye të bibliotekës së Ulqinit. Komisioni në fjalë do të caktojë periudhën nga duhet të fillojë publikimi i fotografive dhe do të përcaktohet varesisht nga nevoja     për rritjen e numrit të ekspertëve të fushave të ndryshme. Pati propozime që ekspozita me fotografitë e para të jetë e gatshme   në shënimin e Ditës së Ulqinit por dhe të njejtat të publikohen në një libër të veçantë.
 

Ulqin 20.11.2008: Ambasadori i Shqiperis në Mal të Zi Tonin Beci në nji vizit zyrtare shkojë  në Ulqin ku u takua me kryetarin e Ulqinit Gzim Hajdinagen, folen në lidje më Investime  për projekte për Turizem, Infrastruktur, mbrojten e rethit dhe forcimin te bashkpunimit e dy vendeve. Bashkbiseduest paten marveshtje se mardhanjet ndermjet Shqiperis dhe Malit Zi janë jashtzagonisht të mirë, gjithashtu u fole për rollin konstruktiv të  Shqiptarve të keti vendit për mardheniet ndermjet ketyre dy vendeve. Ata kann shprehur  besimin se vizitat në nivelin matelargt mashum do ti afrojne këta dy vende – lajmrohet nga kabineti i Kryetarit.

16.10.2008 Ulqin: Kryetari i Komunës së Ulqinit Gëzim Hajdinaga dhe bashkëpunëtorët e tij qëndruan për një vizitë pune në Liban. Kjo vizitë u incesua nga ana e Konzulit të nderit të Malit të Zi në këtë vend z.Mervan Kebe i cili njëherit është dhe afarist i njohur në kryeqytetin e Bejrutit.
Z. Kebe duke i uruar mirëseardhje delegacionit foli për aktivitetet e kompanisë që drejton të cilat janë të fokusuara në fushën e turizmit, ndërtimtarisë, infrastrukturës si dhe çështjeve të projektimit dhe enterijerit. Njëherit z.Kebe nënvizoi se vend tërheqës dhe atraktiv për investime është dhe Mali i Zi e veçmas Komuna e Ulqinit.
Ndërkaq Kryetari Hajdinaga duke falenderua mysafirët për pritjen e ngrohtë dhe miqësore i njoftoi ata më për sëafërmi për investimet që priten në komunën tonë me theks të veçantë në fushën e turizmit dhe infrastrukturë. Gjatë bisedës z.Hajdinaga dhe Konzuli Kebe shkëmbyen disa projek-ide interesante dhe folën për jetësimin e tyre.Nga ana tjetër Konzuli i nderit të Malit të Zi z. Mervan Kebe preku dhe çështjen e mundësisë së donacioneve për disa objekte të interesit të përgjithshëm në Ulqin duke nënvizuar se në shtetet e lindjes së mesme egzitojnë një sërë fondesh dedikuar këtyre qëllimeve e në këtë drejtim ai personalisht do të angazhohet.
 

Ulqin 8.10.2008: Kryetari i Komunes se Ulqinit Gezim Hajdinaga priti sot ne nje takim pune Konsullin gjeneral te Kroacise ne Kotorr z. Bozho Vodopia dhe bashkepunetorin e tij per ceshtje ekonomike dhe zhvillim z.Radojko Nizhiq. Ne nje takim te ngrohte dhe miqesore u trajtuan nje sere ceshtjesh me interes te dy anshem. Mysafiret u interesuan per investimet qe priten ne Ulqin dhe prezencen e kapitalit kroat ne qytetin tone. Kryetari Hajdinaga foli gjeresisht per zhvillimin qe e pret Ulqinin   per klimen e pershtatshme te investimeve ne Mal te Zi rrespektivisht ne Ulqin dhe per bashkepunimin e ndersjellte ndermjet qytetit tone dhe qyteteve ne Kroaci. Ne kete drejtim u vecua komunikimi me qytetin e Dubrovnikut. Mysafiret shprehen konsideratat e tyre per pritjen dhe gatishmeri qe te angazhohen ne rrealizimin e idese per nenshkrimin e projektmarreveshjes me qytetin e Dubrovnikut.U la qe takimet te vazhdojne.