24.7.2009 Ulqin: KUMTESE PËR SHTYP nga Shoqate e Ullishtarëve për kthimin dhe mbrojten e pronës private Ulqin-Valdanos--->

KUMTESE PËR SHTYP 

            Dje, më 08 korrik 2009, në Podgoricë,    në lokalet u Kuvendit të Malit të Zi, tre përfaqësusit    e subjekteve shqiptare, zotrinjtë:  Mehmet Bardhi,   Nazif Cungu e Amir Hollaj, biseduan me zotëri   Zhan Sharl GARDETO ( Jean Charles Gardetto) raportues i Asamblesë Parlamentare të Këshillit të Evropës.  Përfaqësuesit shqiptarë, në pyetje të tij,   e njoftuan zotëri Gardetto me disa orientime   dhe prioritete e veprimtarise politike:   Përfaqësimi autentik proporcinal i shqiptarve në organet republikane ( si shembull u     dha   Prokuroria në Malin  e Zi,  e cila ka mbi 80 prokurorë, ndihmës prokurorë... nuk    ka asnji ptokuror shqiptar etj.) dhe në organet    e qeverisjeve vendore - lokale, në   trevat e të cilave shqiptarët janë autoktonë;  Ligjësimi i mandateve të garantuara ne Kuvendin e Malit të Zi, konkretisht 5 mandate  dhe kuvendet e komunave në trevat shqiptare;  Decentralizimi i pushtetit - kthimi i kompetencave vetëqeverisjeve vendore –   komunave, formimin e Komuës së Tuzit në kufijtë natyrorë të Malësisë me të drejta   të plota, Rishqyrtimi i privatizimeve të deritashme, me theks të veçantë të “privatizimeve”në trojet shqipare të cilat “privatizime” u bënë nga lartë, nga Podgorica, pa pëlqimin e pa  pjesëmarrjen e përfaqësuesve legjitim shqiptarë, nuk kanë dhënë rezultate pozitive,   përkundrazi ata janë një formë e shembull i kolonizimeve  dhe okupimeve të reja nga  Qendra me pasoja të rënda për popullin shqiptar;  Kthimi i pasurisë ish pronarëve, pasurisë e cila është marrë me cilëndo formë në periudhën njëpartiake-komuniste; Realizimi i plotë i administratës në gjuhën shqipe ( emërtimet e rrugëve dhe shesheve  në administratë ne shkolla dhe institucione të tjera).Ne pyetjen e veçantë të zotit Gardetto se a jemi dakord me ndryshimin e normës në Ligjin për Zgjedhjen e Këshilltarëve dhe Deputetëve,  ku në Ligjin Aktual parashihet që  50% të mandateve të fituara t’i shpërndajë subjekti, e cila normë është në kundërshtim me standardet evropiane, pasi i bie në lajthitje zgjedhësit me rastin e votimit, siç tha zotëri Gardeto, përfaqësuesit shqiptarë i thanë mysafirit të lartë se në këte segment janë të gatshëm për të shqyrtuar këte normë me rastin e ndryshimit të Ligjit apo aprovimit të Ligjit të ri zgjedhor, meqenëse nuk prekë dretëpërsëdrejti në interesat tona dhe se ne jemi të gatshëm të respektojm standardet evropiane.Në Podgoricë, e martë, më 7 qershor 2009                     Mehmet BARDHI     Nazif CUNGU     Amir HOLLAJ

3.7.2009 Ulqin: Kryetari i Komunës së Ulqinit z.Gëzim Hajdinaga dhe bashkëpunëtorët e tij priten në një takim pune një delegacion të kompanisë të fuqishme amerikane  KCI technologies dhe themeluesin e Këshillit për biznes Amerikano-Malazez z. Charles Dilon. Duke i dëshiruar mirëseardhje, z.Hajdinaga dha një pasqyrë të shkurtër të Ulqinit dhe zhvillimi që e pret atë në një të ardhme të shpejtë. Ai vlerësoi lartë bashkëpunimin që ka me zyrtarë amerikan dhe kontributin që kanë dhënë ata gjatë tërë kësaj kohe. Kryetari Hajdinaga përsëriti që në çdo takim  të nivelit të lartë ka insistuar për prani më të theksuar të kompanive amerikane në Ulqin. Nga ana tjetër mysafirët shprehën konsiderata për punën e z.Hajdinaga, për  çfarë ishin mirë të informuar dhe ardhja e tyre kishte të bënte me rekomandimet që i janë bërë për të vizituar Ulqinin dhe vënijen e kontakteve  dhe realizimin e projekteve në interes të përbashkët. Përfaqësuesit e delegacionit në përvojën e tyre shumëvjeçare janë të dëshmuar në sektorë të ndryshëm si në projektimin dhe ndërtimin e porteve dhe marinave, në zgjidhjen e problemeve të mbeturinave të ngurta dhe përpunimin e ujërave të zeza dhe në fusha të tjera. Në darkën e punës, Kryetari Hajdinaga mysafirët detalisht i ka njoftuar me planet zhvillimore të qytetit tonë dhe me realizimin e projekteve në këto fusha që për Ulqinin kanë një rëndësi të veçantë.

3.7.2009 Ulqin: Mehmet Bardhi ja uron Ambasadorit të Amerikes në Podgoricë Roderich W. Moore Ditën e Pavarsis.. lëxo më shumë --->

25.6.2009 Ulqin: Në Ulqin qëndroi për vizitë pune Ambasadori i Francës i akredituar në Podgoricë z. Bernard Garancher i shoqëruar nga dy përfaqësues të Ministrisë së mbrojtjes të Francës, z.nj Diane Masson dhe z. Giles Pernet.
Ata u takuan me Kryetarin Hajdinaga dhe bashkëpunëtorët e tij.
Në një bisedë të hapur dhe miqësore u prekën një sërë temash që kanë të  bëjnë me pozitën e pakicave, vendi i tyre në një shtet multinacional, pakica shqiptare si pakicë specifike dhe marrëdhënijet e saj me vendet fqinje, rrespektivisht me qytetet e Shqipërisë.
Kryetari Hajdinaga gjërësisht i njoftoi mysafirët me atë se çfarë është bërë për pakicat në Mal të Zi, dhe angazhimet e metytjeshme të një shteti siç është Mali i Zi që synon drejtë familjes së madhe demokratike evropiane.
Ai vleresoi më pas si shumë të sukseshëm bashkëpunimin e  Malit të Zi me vendet e rajonit e konkretisht me Shqipërinë.
Z Hajdinaga foli për marrëdhënijet që ka komuna jonë me qytete të ndryshëm dhe marrëveshjet e bashkëpunimit që ka nënshkruar me shumë nga ta.
Në takim u përkrah ideja që në një të ardhme një binjakëzim i këtij lloji të bëhet edhe me ndonjë qytet identik me Ulqinin në Francë, ndërkohë që Ambasadori Garancher inicoi mbajtjen e një takimi të rradhës, ku në qendër të vëmëndjes do të jenë projektet zhvillimore të Ulqinit dhe çështje të tjera në interes të ndërsjelltë.

Manifestimi Kalimera Poetike -Ulqin 2009
Organizatori: Art Klub-Ulqin
Vendi dhe koha e realizimit: Ulqin, Qyteti i vjetër, Sheshi i pallatit të Ballshajve, te Feneri.
Më 25, 26 qershor të këtij viti. Hapja në orën 21.
Të dhënat kryesore për manifestimin Kalimera poetike -Ulqin 2009. 

Kalimera poetike, të cilën e organizon Art Klub nga Ulqini që nga viti 1993, është e vetmja e këtij lloji te shqiptarët në Malin e Zi  dhe më gjerë. Është një ndër   manifestimet letrare më elite, jo vetëm në Malin e Zi, por edhe më gjerë, kur merren parasysh personalitetet letrare të cilët kanë marrë pjesë në këtë veprimtari.

Deri më tani, në Kalimerën Poetike kanë marrë pjesë 30 shkrimtarët më të njohur  shqiptarë, siç janë: Ali Podrimja, Dritëro Agolli, Fatos Arapi, Enver Gjergjeku, Basri Çapriqi, etj. Po ashtu kanë marrë pjesë edhe shkrimtarët më në zë  malazezë, siç janë: Jevrem Brkoviq, Zuvdija Hoxhiq, Mlladen Lompar etj. 

Kalimera poetike është e konceptuar si manifestim letrar në të cilin çdo shkrimtarit të ftuar kushtohet një mbrëmje autoriale. Studiuesit më të mirë të shkrimtarëve përkatës parapërgatisin studimin  të cilën e lexojnë në mbrëmjen e kushtuar autorit të caktuar.

Në »Kalimerën poetike« ( të shtatëmbëdhjetën me radhë) marrin pjesë:  Eqrem Basha, nga Prishtina. Për të do të flasë akademiku Rexhep Ismajli, ish-kryetari i Akademisë së Shkencave dhe të Arteve të Kosovës. Pjesmarrësi i dytë është shkrimtari Zija Çela, nga Tirana, për të cilin do të flasë shkrimtari, akademik  Mehmet Kraja- nga Kraja, komuna e Tivarit.

Si pjesë përbërëse e Kalimerës Poetike janë: promovimi i librit “Orët letrare universitare” dhe Ora e madhe letrare, të cilat mbahen në grykëderdhjen e lumit Buna..

 Pjesmarrësit më të rëndësishëm dhe referencat e tyre:Eqrem Basha. Shkrimtarë, prozaist, skenografist dhe akademik. Është i lindur më 1948 në Dibër (Maqedoni). Ka studijuar Gjuhën Shqipe dhe Letërsinë në universitetin e Prishtinës 1967- 1971. Ka shruar për medije të ndryshme në Kosovë dhe ka marrë pjesë në shumë takime letrare internacionale. Është editor i shtëpisë së njohur botuese shqipe: Dukagjini. Ka shkruar tregime, poezi, drama, radiodrama, romanë, etj. Eshtë përkthyes nga gjuha frenge, italiane dhe nga gjuhët sllave. Ne vitin 2001 është zghedhur për anëtarë të Akademisë të Arteve dhe Shkencave të Kosovës.
Zija Çela. I lindur në Shkodër më 1946. Ka studijuar Gjuhën Shqipe dhe Letërsinë në Tiranë.Deri më tash ka botuar rreth 20 vepra, përgjithësisht në prozë. Ka fituar shumë vlerësime letrare në nivel të Shqipërisë dhe më tej. Ka botuar rreth 10 romane dhe po aq vëllime me tregime. Për nga stili dhe metoda që përdor në veprat e tij nga kritika është quajtur markezi shqiptar. Veprat e tij janë përkthyer në disa gjuhë të huaja.   

Organizatore: Shoqata e krijuesve Art Klub-Ulqin  

Veprimtaria: KALIMERA POETIKE-ULQIN 2009  

P  R  O  G  R  A  M  I  

Vendi i organizimit: Kalaja e Ulqinit, në sheshin e Pallatit të Ballshajve, te Feneri dhe grykëderdhja e lumit Buna.
Koha e mbajtjes: 25, 26 qershor 2009
Dita e parë: 25 qershor (e enjte) 2009
Ora 16 e më tutje.
Mbërritja dhe vendosja e të ftuarëve nga Shqipëria dhe Kosova në Pallatin e Ballshajve në Kala të Ulqinit.
Ora 21. Hapja e veprimtarisë Kalimera poetike nga kryetari i Art Klubit, mr. Haxhi Shabani.
Mbrëmje autoriale kushtuar shkrimtarit Eqrem Basha, akademik.
I ftuar për të folur për shkrimtarin, akademik Rexhep Ismajli.
Moderon mbrëmjen: Fif Çobi
Dita e dytë: 26 qershor (e premtë) 2009
Ora 10. Nisja  e organizuar nga Kalaja e Ulqinit për të ftuarit e veçantë dhe udhëtimi me taksi  deri te ura e Bunës.
Ora 11. Udhëtimi me anije nëpër lumin Buna rreth ishullit Ada për të ftuarit e veçantë.
Ora 11.45. Po në anije  në grykëderdhjen e Bunës përurimi i librit “Orët letrare universitare”, studimet për autorët e ftuar në “Kalimerën poetike” nëpër vite.
Flet për librin mr. Anton Gojçaj.
Ora 12. Po ashtu në anije ora e madhe letrare me shkrimtarë të ftuar  nga Shqipëria, Kosova e Mali i Zi.
Moderatore: Learta Hollaj
Ora 21.Në Kalanë e Ulqinit, në sheshin e Pallatit të Ballshajve, te feneri.
Mbrëmje autoriale kushtuar shkrimtarit Zija Çela.
I ftuar për të folur për të shkrimtari Mehmet Kraja, akademik.
Moderatore: Merita Haxhibeti
27 qershor.
Ora 9. Takimi i fundit me të ftuarit e veçantë dhe përcjellja e tyre.
Ulqin, 22.06. 2009                 Këshilli organizativ i shoqatës së krijuesve Art Klub- Ulqin,
           Kryetari i Art Klubit, mr. Haxhi Shabani

21.6.2009 Ulqin: 15 KAMPIONË TË MALIT TË ZI NGA ”ULQINI”
 Më 20 qershor 2009 në Podgoricë u mbajt Kampionati i karatesë së Malit të Zi për fatosa, pionierë të rinj, të vjetër dhe shpresa, ku morën pjesë 21 klube me 243 garues. Në këtë kampionat garuesit e Klubit të Karatesë “Ulqini” u kurorëzuan me plot 40 medalje: 15 të arta, 8 të argjendta dhe 17 të bronzta.Nga Klubi i Karatesë “Ulqini” u shpallën 12 kampionë të Malit të Zi në disciplinat individuale, ndërsa 3 të tjerë u shpallën kampionë në disiplinën ekipore...lëxo më shumë-->

13.6.2009 Ulqin: Karate Team "Ulqini", i përbërë nga karateistët e klubeve "Ulqini" dhe "Albulena", mori pjesë në dy turne ndërkombëtare të karatesë: në Turneun e VI ndërkombëtar të karatesë "Dubrovnik Open", i cili u mbajt në Dubrovnik më 13 qershor të këtij viti dhe në Turneun e IX përkujtimor të karatesë “Xhevat Makolli”, i cili u mbajt më 7 qershor në Prishtinë.
Ekipi i Karate Team "Ulqini" në Dubrovnik u kurorëzua me 12 medalje: 5 të arta, 5 të argjendta, 2 të bronzta dhe 7 kupa. Në këtë garë morën pjesë 16 klube me 250 garues nga Mali i Zi, Bosnja dhe Kroacia, ndërsa Karate Team "Ulqini" u paraqit me 10 garues të gjeneratave të ndryshme: 2 shpresa, 2 kadetë dhe 6 juniorë...lëxo më shumë-->
 

11.6.2009: Axhenda e qendrimit te gazetareve nga Kosova ne Ulqin: Gazetaret nga Kosova
 

Datum 11.06.2009
Dreka  13.00 h – Safari beach
Darka  19.00 h – Hotel Dolcino
Kokteji i mireseardhjes  – Hotel Mediteran 21.00h
Datum 12.06.2009
Dreka  13.00h – Toni Grill
Pranim te kryetari i Komunes se Ulqinit 17.00h
Darka 19.30 – Llolla Apartments
Datum 13.06.2009
Dreka 13.00 h – MCM beach
Darka 19.30h – Restaurant OTRANT
Datum 14.06.2009
Dreka 13.00h – Copacabana
Darka 19.00h – Hotel Albatros

9.6.2009 Ulqin: 35 gazetarë të medjeve të ndryshme nga Kosova do të qëndrojnë në qytetin tonë nga data 11-14 qershor. Tashmë vizita e gazetarëve është bërë tradicionale dhe ka për qëllim njoftimin e tyre me përgatitjet që janë bërë për sezonin turistik 2009 dhe çështje të tjera që lidhen për te. Mbrëmë, në takimin që Kryetari Hajdinaga pati me pronarët e plazheve, agjencive turistike, hoteleve dhe apartmaneve, për gazetarët është hartuar një  program i larmishëm dhe i gjithanshëm. Krahas gazetarëve nga Kosova ne Ulqin do të qëndrojë dhe një delegacion nga Qyteti i Vjetër i Sarajevës përberjen e të cilit do të jenë edhe ekipe të gazetarëve, po ashtu Shoqata të dëshmorëve të luftës me seli ne Sarejevë pritet të dërgojë 17 fëmijë pa prindër nga Bosnja e Hercegovina. Ulqini prej vitesh ka pritur fëmijët bonjak nga Kosova dhe ftesë për të kaluar pushimet në Ulqin i është bërë dhe fëmijëve italian nga qyteti i Akvilës qytet që u godit nga një termet katastrofal para disa javëve.

Ulqin, më 5. 06. 2009

KËSHILLI NACIONAL I SHQIPTARËVE NË MALIN E ZI
NACIONALNI SAVJET ALBANACA U CRNOJ GORI
ALBANIAN  NATIONAL COUNCIL IN MONTENEGRO
Nr. 31 / 09

Ulqin, më 5. 06. 2009                  KUMTESË   PËR   OPINION

 Këshilli  Nacional i Shqiptarëve në Malin e Zi shprehë shqetësimin për mënyrën dhe procedurën e shpalljes së tenderit për shitjen  afatgjatë të pjesëve më atraktive të rivierës së Ulqinit.
Jemi të bindur se me këtë nuk i kontribohet rrespektimit të të drejtave të popujve pakicë, por as   pushtetit vendorë të Ulqinit   as të qytetarëve të saj për të qenë zot të pasuris së vet, e drejt e cila u garantohet me Kushtetutë, Ligjë e me dokumenta tjerë relevant  ndërkombëtar.
Vlersojmë se Kuvendi Komunal i Ulqinit eshtë dashur të jetë i njoftuar në detaje lidhur me këto tendere të shitjes së pasurisë, si titullar ligjor i pronës së Komunës dhe si i vetmi organ legjitim për të lejuar shitjen ose jo të pasurisë së vet. Por lidhur me këtë është dashur të njoftohet edhe Këshilli Nacional i Shqiptarëve pasi   që në Komunën e Ulqinit shumicën e popullsisë e përbëjnë shqiptarët, popull autokton.
Shprehim brengosjen se mos ndoshta këto veprime janë të qëllimshme, për të ndryshuar strukturën e popullsisë së Ulqinit.
Prandaj me të drejtë presim që Qeveria ta rishikojë vendimin e vet për shpalljen e tenderëve për shitjen e Valdanosit, Plazhit të Shtojit dhe Adës, pasi që shitja e këtyre lokaliteteve të veçanta e me vlerë të pallogaritshme mund të ketë pasoja të pa parashikushme për Ulqinin dhe shqiptarët në Mal të Zi.
Këshilli Nacional i Shqiptarve në Malin e Zi po ndjek me vemendje tërë këtë proces dhe do të angazhohet që për këtë me kohë të njoftoj institucionet relevante dhe opinionoin vendor e ndërkombëtar    KRYETARI, Tahir Tahiri
 

3.6.2009 Ulqin: KARATE TEAM "ULQINI" MORI PJESË NË DY TURNE NDËRKOMBËTARE TË KARATESË: KUPËN “OMLADINAC 2009" NË PODGORICË DHE TURNEUN “ZAHIR PAJAZITI “ NË KOSOVË

         Karate Team "Ulqini" i pathyeshëm në Podgoricë

Karate Team "Ulqini" i përbërë nga karateistët e klubeve "Ulqini" dhe "Albulena", mori pjesë më 30 maj 2009 në dy turne ndërkombëtare të karatesë: në Turneun e I ndërkombëtar të karatesë "Omlladinac 2009" në Podgoricë dhe në Turneun e IV përkujtimor të karatesë “Zahir Pajaziti” në Orllan të Kosovës...lëxo më shmë-->

Ulqin 30.5.2009 Sot, Kryetari Hajdinaga priti një grup prej 50  turistash italian të kryesuar nga Ghini Lonello. Ata janë nga Komuna e Cesenës në Itali, përndryshe të apasionuar pas automjeteve të vjetër. Në takimin e ngrohtë dhe miqësorë, ata shprehën vlerësime dhe konsiderata për pritje dhe ishin të gatshëm që të angazhohen në vënijen e urave të bashkëpunimit ndërmjet dy qyteteve. Kryetari Hajdinaga duke përshëndetur nismën në fjalë, foli për zhvillimin e qytetit tonë dhe për investimet që priten.

Ulqin 30.5.2009 Kryetari i Komunës së Ulqinit Gëzim Hajdinaga dhe bashkëpunëtorët e tij pritën pronarët e objekteve të përkohëshme që veprojnë në Ranë. Takimi erdhi pas paralajmërimeve të njëpasnjëshme dhe dakordimeve, për menjanimin e këtyre objekteve dhe zëvëndësimin e tyre me hapësira të gjelbërta gjë që edhe pronarët janë dakorduar për dy vite me rresht. Kryetari Hajdinaga në takim nënvizoi se është i vendosur që akcionin ta çojë deri në fund dhe pakurrfarë selekcionimi, mirpo pas një diskutimi të hollësishëm nga ana e të pranishmëve, ku u shpalosën vlerësime dhe mendime që një hap i tillë mund të ketë pasoja negative në buxhetin e sejcilës familje u ra dakort që edhe këtë verë objektet në fjalë të punojnë ndërkohë që vetë pronarët obligohen që të njetit vetë t’i menjanojnë më 1 tetor të këtij viti.

Ulqin.19.05.2009: Nr: 188/09  Pasojat e vendimeve të gabuara kërcënojnë vendet e punës 
Në situatën aktuale të ekonomisë së Malit të Zi dhe posaçërisht të Ulqinit, rënia e aktiviteteve ekonomike kohët e fundit shpeshherë ndërlidhet me krizën financiare botore, me këtë harrohet se vendimet e aprovuara në të kaluarën kan krijuar kushte që ekonomia e komunës dhe pikërisht shërbimet në sektorin e hotelerisë të jenë jashtë funksionit të saj themelor dhe pran shkatërrimit total.
Situata me të cilën me vite të tëra përballen ish-punëtorët e Rivierës së Ulqinit, dhe me ato edhe të punësuarit në Hotelin e dikurshëm “Galeb”, tani gërmadhë në qendër të qytetit, është drejtpërdrejt pasojë e vendimeve të gabuara rreth privatizimit të Qeverisë së Malit të Zi dhe vendimeve të dyshimta të ekzekutivit të komunës së Ulqinit.
      Tani shfaqen pasojat të krijuara me mosrespektimin e Planit të privatizimit të Rivierës së Ulqinit nga ana e Qeverisë së Malit të Zi. Fillimisht Riviera e Ulqinit është dashur të privatizohet me anë të konkursit ndërkombëtarë nga partneri strategjikë, dhe si një ndërmarrje. Por ky privatizim e bë nga vetë Riviera e Ulqinit në Falimentim dhe Gjyqit ekonomik duke shitur objektet një nga një..
Në rastin e Hotelit Galeb, ka shumë shkelje të kontratës së shitblerjes, ku ndër të tjerat nuk është respektuar obligimi kryesor i Blerësit që investimet në vlerë prej mbi 15 milion euro të përfundojnë deri me 31.12.2008. Kjo shkelje e kontratës është flagrante dhe së bashku me mos përmbushjen e kontratave për investime në objektet tjera hoteliere të privatizuar, ka shkaktuar devastimin e objekteve dhe rëmje drastike të kualitetit të turizmit në Ulqin.
Është i pa arsyetueshëm vendimi i organeve kompetente të Komunës që e lejuan shkatërrimin e hotelit më të mirë dhe më të mirëmbajtur , të rindërtuar në vitin 1982, pa krijuar kushtet në planifikimin hapësinor që të ndërtohet hotel i ri. 
Shtrohen pyetjet: Kush e ka dhënë pëlqimin të shkatërrohet hoteli i gatshëm që të presë turistët? Pse nuk ndërtohet? A ka menduar ndokush për fatin e punëtorëve të këtij hoteli dhe hoteleve dhe ndërmarrjeve tjera të falimentuara dhe të privatizuar?
Kompania Rokshped këto dite ka vendosur dhjetëra kioskë anë e mbanë Komunës së Ulqinit. Në bazë të çfarë planit , çfarë vendimit apo ndoshta është borxh i Komunës për rregullimin e fasadës së godinës së Komunës, apo janë marrë mjete finasiare nga kjo kompani për plane urbanistike  e janë shpenzuar për rroga dhe shpenzime tjera operative.
Urojmë që punëtorët e Galebit por edhe të gjithë të tjerët të Komunës së Ulqinit nuk do ta kenë fatin si punëtorët e Kripores, Primorjes etj. Fati i punëtoreve të Galebit dhe të gjithë të tjerëve nga Qeveria e MZ duhet të ketë të njëjtin tretman si fatet e punëtoreve të KAP-it.  Programi social i  KAP është në vlerë prej 41 milion euro,  apo prej 16 – 30,000 euro për të punësuar. Punëtorët e Galebit dhe të gjithë punëtorët tjerë të mbetur pa punë në Ulqin duhet të kenë tretman të barabartë me punëtorët tjerë të mbetur pa punë në vendet tjera të Malit të Zi dhe t iu ofrohen dëmshpërblime nga programet sociale. Ky është obligim i atyre që ushtrojnë pushtet si në nivel shtetëror ashtu edhe në nivel të Komunës.
Investitori Roshped duhet të dëshmoj përgjegjësi për mirëqenien e punëtorëve dhe familjeve të tyre. Kontrata e shitblerjes parapanë që 5 vite nuk do të ketë lëshime nga puna për arsye teknologjike. Duhet të mos harroj që Kuvendi i Ulqinit, në mandatin kur Forca kishte shumicën i ka jap pëlqimin për studim lokacioni për pompën e benzinit në Katërkollë.
Puntorët e Hotel “Galebit” janë jo vetëm të pakënaqur, por edhe të dëshpëruar. Nuk ashtë e mjaftueshme vetëm të merret rroga e garantuar edhe atë për një kohë të caktuar. Ato nuk janë pensionistë, por punëtor të kualifikuar dhe që kanë marr pjesë aktive në ndërtimin,promovimin dhe prezantimin e të gjitha vlerave turistike të Ulqinit.
Ndoshta edhe kompania “Rokshped” ka barriera, si e tërë ekonomia e Ulqinit. Nëse kjo qëndron edhe tek ato,le të deklarohen haptas dhe të tregojnë fajtorin e vërtet.
            Përgjegjësinë për punëtorët e ish hotelit Galeb e kanë të ndarë edhe Riviera e Ulqinit , edhe Qeveria e Malit të Zi edhe vetë Komuna e Ulqinit. Të gjithë ato duhet të dalin në mbrojtje të drejtave të punëtoreve të që mos të kenë fatin e punëtoreve të KAP-it, të cilëve i premtohen pagesa me dhjetëra mijëra euro kurse punëtoreve të Galebit vetëm rruga.   Genci Nimanbegu
Nënkryetar i Forcës së re Demokratike
 

Forca e Re Demokratike – Nova Demokratska Snaga - FORCA

Bul. Skenderbeu bb 85360 Ulcinj – Ulqin

Tel:. 085/401-760 Fax :.085/401-761

E-mail:. forca@cg.yu Web:. www.forca.me

Ulqin.19.5.2009: Kryetari i Komunës së Ulqinit, Gëzim Hajdinaga i ka dërguar një mesazh qytetarëve me rastin e 21 majit - Ditës së Pavarësisë së Malit të Zi në të cilin përcjell urimet më të ngrohta për begatinë dhe lumturinë e të gjithëve: “Kjo ditë e veçantë më jep rastin të shpreh urimet e mija të sinqerta për të gjithë qytetarët e Ulqinit, si dhe kam besim të thellë se me angazhimin tonë të përbashkët, sëshpejti do të radhitemi në familjen e madhe evropiane.  Të tillë do të njohin zhvillime të mëtejshme, në të mirë të paqes, stabilitetit e përparimit tone. Sinqerisht i Juaji,  Gëzim Hajdinaga
 

Ulqin .16.5.2009:  KLUBI I KARATESË “ULQINI” I PARI NË RENDITJEN E PËRGJITHSHME NË TURNEUN E III TË KARATESË “GRAND PRIX MEDITERAN”                                            ”ULQINI” GJITHNJË I PARI 

Të shtunën, më 16 maj 2009 në Podgoric u mbajt Turneu i 3-të i karatesë “GRAND PRIX MEDITERAN”, në të cilin klubi i karatesë “Ulqini” u shpall klubi më i mirë i turneut.
Garuesit e KK “Ulqini” arritën të fitojnë 123 medalje: 44 medalje të arta, 41 të  argjendta dhe 38 të bronzta në disiplinat individuale dhe ato ekipore. Në vend të dytë u rendit klubi i karatesë “Buduqnost” i Podgoricës, në vend të tretë u rendit klubi i karatesë “Bar” i Tivarit, vendi i katërt i takoi klubit të karatesë “Nikshiq” i Nikshiqit ndërsa vendi i pest i takoi klubit të karatesë “Sport riva” të Herceg Novit . ..lëxo më shumë-->

Ulqin 15.5.2009: Sot në Ulqin qendroi për vizitë pune Ministri i kulturës, sportit dhe mediave z. Branisllav Miqunoviq. Fillimisht ai u takua me Kryetarin e Komunës së Ulqinit z. Gëzim Hajdinaga. Bashkëbiseduesit preken një sërë temash që kanë të bëjnë me kulturen dhe sportin, ndërkohë që u ra dakort që sa më parë të përgatiten temat prioritare e Ministri Miqunoviq u shpreh i gatshëm që në një të ardhme të afërt të qëndrojë në Ulqin, e detalisht të flitet dhe të analizohet sejcila nga to. Nga ana tjetër Kryetari Hajdinaga kërkoi mbështetje më të madhe nga ana e Ministrisë për projektet tona siç është Festivali tradicional ’’Skena Verore’’, ’’Festivali i Fëmijëve’’,  ’’Panairi i Librit’’ etj. Këtë siç nënvizoi z. Hajdinaga jo vetëm se kemi të bëjmë me manifestime tradicionale, por edhe për shkak të specifikave të qytetit ku ata zhvillohen. Më pas, Ministri Miqunoviq dhe Kryetari Hajdinaga vizituan shtëpinë botuese ’’Plima’’. Kjo, vizitë dhe të tjerat që priten të realizohen në qytete të tjerë kanë për qëllim njoftimin më për së afërmi me këtë materie në prag të përgatitjes së ligjit perkatës që do të jetë ne diskutim publik.

Ulqini.12.5.2009: Kryetari i Ulqinit z.Gëzim Hajdinaga dhe bashkëpunëtorët e tij priten sot në një takim pune delegacionin tre anëtarësh të Këshillit të Evropës të kryesuar nga zonja Klaudia Luçani.Temë e këtij takimi i cili zgjati mbi 60 minuta ishte çështja e pakicave respektivisht të drejtat e tyre, administrimi lokal konformë normave ndërkombëtare, realizimi dhe transparenca e mjeteve republikane ndaj pushteteve locale, çështja e simboleve kombëtare, Ligji i pakicave etj.z. Hajdinaga dhe bashkëpunëtorët e tij u përgjigjën në pyetjet e mysafirëve. dhe dhanë vlerësimet e tyre rreth këtyre çështjeve, duke nënvizuar faktin që çështja e pakicave është një çështje e ndjeshme dhe tejet e rëndësishme për sejcilin vend që aspiron të bëhet pjesë e familjes evropiane. Ata nënvizuan që në këtë drejtim është punuar, por gjithnjë ka vend për plotësime dhe  avansime, posaçarisht kur është fjala për decentralizimin e pushtetit vendor.Veçmas mysafirët u interesuan për decentralizimin e pushtetit dhe gjendjes në këtë fushe, kur dihet që Mali i Zi është nënshkrues i Kartës evropiane për qeverisjen vendore.Delegacioni i Këshillit të Evropës sot u takua edhe me klubet e këshilltarëve të Asamblesë komunale e në Podgoricë është palaralajmëruar takimi i radhës  me liderët e partive nacionale në Mal të Zi.

Ulqini.12.5.2009: Kryetari i Komunës së Ulqinit Gëzim Hajdinaga sot vizitoi Tetovën dhe Gostivarin. Fillimisht ai u takua me Kryetarin Sadi Bexheti dhe bashkepunetoret e tij. Nikoqirët e njoftuan z. Hajdinaga me funksionimin e pushtetit vendorë dhe çështje që kanë të bëjnë me  bashkëpunimin e ndërsjelltë të dy qyteteve. Ndërkaq z. Hajdinaga theks të veçantë në takim i kushtoi turizmit si degë kryesore ekonomike për Ulqinin dhe përgatitjet që janë  bërë nga ana e pushtetit vendorë dhe e të gjithë subjekteve të tjerë, për verën 2009. Vizitës së delegacionit nga Ulqini iu kushtua një vëmendje e  veçantë dhe gazetarë të shumtë ishin të pranishëm në konferencën që u organizua pas takimit.
Kryetari i Tetovës i bëri thirje banorëve që të zgjedhin si destinacionin e tyre turistik Ulqinin ndërkohë që kryetari Hajdinaga u përgjigj në pyetjet e gazetarëve. Një takim tjetër i rëndësishëm ishte edhe ai në Gostivar, ku Kryetari i Ulqinit u takua me homologun e tij  Dr Rufi Osmani. Në deklatratat e përbashkëta edhe njëherë u theksua nevoja e bashkëpunimit të ndërsjelltë qe i kontribuojnë njohjes më të  përafërt të banorëve të dy vendeve. Kryetari i Gostivarit shprehu bindjen që edhe këtë verë në Rivierën e Ulqinit mysafirët nga ky qytet nuk do të jenë të paktë në numër. Përndryshe sic u dëgjua në prezantimin e ofertës turistike të Malit të Zi , mysafirët nga Maqedonia në vitin e kaluar kanë realizuar  230 mijë bujtje dhe në këtë mënyrë ata zënë një vend të rëndësishëm në mozaikun e vizitorëve në bregdetin e Malit të Zi.

Ulqin 11.5.2009: Pas prezantimit të sukseshëm të ofertës turistike në tetë qendra të Kosovës sot kryetari Hajdinaga filloi turin e ri të prezantimeve në Maqedoni. Fillimisht në kryeqytetin e vendit Shkupin, zoti Hajdinaga u takua me zëvëndëskryeministrin z.Abdilhaqim Ademi. Për një orë sa zgjati takimi u preken një sërë çështjesh të  rëndësishme, e në veçanti ato qe kanë të bëjnë me bashkëpunimin e ndërsjelltë. z. Ademi, foli për zhvillimin e proceseve demokratike ne vend dhe për zgjedhjet e zhvilluara, aplikimin e marrëveshjes së Ohrit dhe pozitën e shqiptarëve, ndërkohë që gjatë u ndal për bashkëpunimin  e Ulqinit me qendra të ndryshme të Maqedonisë veçmas me ata ku shqiptarët përbëjnë shumicën. Veçmas interesim tregoi për përgatitjet që janë bërë në fushën e turizmit, çmimet e ofertës dhe shprehu bindjen që edhe këtë verë  mysafirë të shumtë nga Maqedonia do të vizitojnë Ulqinin. Nga ana tjetër Kryetari Hajdinaga i shprehu mirënjohje për pritjen   dhe detalisht  foli për përgatitjet që janë bërë në nivel të komunës dhe republikës, për lehtësirat e krijuara për afaristët e turizmit, çmimet dhe të gjithë atë që pritet të realizohet gjatë sezonit turistik.  I bindur që edhe sezoni 2009 do të jetë i sukseshëm z. Hajdinaga u shpreh i gatshëm për bashkëpunim në fusha të ndryshme me disa  nga qytetet e Maqedonisë, duke veçuar Strugën, Shkupin, respektivisht Çairin, Tetovën, Gostivarin etj. Një takim  tjetër i rëndësishëm ishte ai i kryetarit Hajdinaga  me Ministrin e ekonomise  Dr. Fatmir Besimi.ku fokusimi qëndrore ishte në fushen e turizmit dhe valorizimet që priten të realizohen  në qytetin tonë. Të dy bashkëbiseduesit vlerësuan takimet dhe ishin të mendimit që   këto i ndihmojnë bashkëpunimit ndërmjet qyteteve dhe vendeve të rajonit. Interesimi nga ana e masmedjeve ishte tejet i madh për këto takime. Dita e parë e qëndrimit në Shkup u përmbyll me një vizitë Komunës së Çairit, njerës nga l0 komunat e Shkupit, komunë me shumicë shqiptare. Po sot në Shkup qendroi dhe një delegacion i zgjeruar i Podgoricës  i kryesuar nga Ministri i turizmit Neneziq, Drejtori i Organizatës nacionale turistike Sasha Radoviq dhe Ambasadori i Malit të Zi në Shkup Dushko Llalliqeviq në prani të një numri të madh të të ftuarve u  bë prezantimi i ofertës turistike të Malit të Zi në Maqedoni. Në orët e mbrëmjes kryetari i Ulqinit z Gëzim Hajdinaga do të organizojë një pritje koktej për punëtorët dhe zyrtarët e turizmit në Shkup, ndërkohë që nesër priten të vizitohen qendrat Tetovë e Gostivar.

Ulqin 9.5.2009: Kryetari Hajdinaga vizitoi qytete Pejë, Deçan e Gjakovë. Ai u prit nga nikoqiët z. Ali Berisha, z. Musa Berisha dhe z. Pal Lekaj. Në të tre takimet u vlerësua bashkëpunimi i ndërsjelltë dhe  u shpreh gadishmëri që në një të ardhme të afërt të nënshkruhen edhe memorandumet e bashkëpunimit. Nikoqirët shprehen bindjen që edhe përkundrejtë krizës globale interesimi për të veruar në Ulqin ka qenë dhe do të jetë permanet, ashtu edhe gjatë kësaj vere. Kryetari Hajdinaga shprehu falenderime në emër të qytetarëve të Ulqinit dhe theksoi që Ulqini është i gatshëm të presë mysafirët  dhe do të sillet konfomë krizës që na rrethon. Të gjithë takimet ishin të përcjellura nga medije të shumta të cilat po i kushtojnë vëmëndje qëndrimit të delegacionit të Ulqinit në Kosovë. Sot priten të vizitohen dy qendra të tjera, ndërkohë që ka mbërritur edhe axhenda e detajuar  rreth takimeve që delegacioni nga Ulqini do të ketë në Maqedoni.

Ulqin 9.5.2009: Në kuadër të qëndrimit të delegacionit të qytetit tone në Prishtinë, në ambientët e hotelit Grand u organizua një pritje koktej, ku ishin të pranishëm zyrtarë qeveritar, përfaqësues të Komunës së Prishtines, ata të Dhomës ekonomike, Asociacionit të turizmit të Kosovës dhe të ftuar të tjerë. Kryetari Hajdinaga përshëndeti të pranishmit, foli për përgatitjet e bera, bashkëpunimin komunë agjenci turistike dhe shfrytëzues të plazheve, investimet në infrastrukturë dhe në fusha të tjera që kanë për bazë interesimin gjithnjë e më të madh të mysafirëve.
Kryetari Hajdinaga më pas u përgjigj në pyetjet e shumta të gazetarëve, ndërkohë që pjestarë të delagacionit tonë u takuan me  kolegët e tyre kosovarë.

Ulqin 9.5.2009: Kryetari i Komunës së Ulqinit Gëzim Hajdinaga, me rastin e Ditës së Evropës i ka dërguar një telegram urimi të gjithë qytetarëve të Ulqinit. Në urim ndër të tjera thuhet Ju uroj Ditën e Evropës i bindur që në një të ardhme të afërt edhe ne do të jemi pjesë e Evropës së bashkuar. Ky është synimi ynë i përbashkët. Me nderime, I juaji,
Gëzim Hajdinaga

 

Ulqin.4.5.2009: Sot në Ulqin qëndroi për vizitë pune Ambasadori i Republikës Federale të Gjermanisë z. Peter Platte. Në takimin që pati me Kryetarin Hajdinaga ishin të pranishëm   drejtorët e shkollave ’’Marëshali Tito’’, ’’Boshko Strugar’’ dhe  Gjimnazit ’’Vëllazërim Bashkim’’. Ambasadori Platte insistoi që gjuha gjermane t’i ofrohet nxënësve si gjuhë e huaj që nga klasa e tretë e shkollës fillore, duke veçuar përparistë që do të kishin ata, mundësinë e sigurimit të bursave dhe vazhdimin e studimeve në Universitetet e Gjermanisë...lëxo më shumë-->