Ulqini.22.2.2010: Nesër në orën 18.00 në sallën e Kuvendit të Komunës së Ulqinit do të organizohet tribuna e hapur ku do të flasin përfaqësues të Këshillit për ekonomi, financa dhe buxhet pranë Kuvendit republikan.
Moderator do të jetë Aleksandar Damjanoviq që njëherit është dhe kryetar i këshillit në fjalë.
Kjo është një përvojë e re që Kuvendi i Malit të Zi, respektivisht trupat e tij dhe zyra e OSBE-së organizojnë tribuna ku trajtojnë tema të ndryshme nga kompetencat e tyre.
Hyrja është e lirë dhe të interesuarit mund të drejtojne pyetje e tyre në adresë të anëtarëve të Këshillit.

Ulqin. 17.2.2010: Kryetari i Komunës së Ulqinit z. Gëzim Hajdinaga ka përgëzuar Presidentin e Kosovës z. Fatmir Sejdiu me rastin e përvjetorin të dytë të Ditës së Pavarësisë.
 Në telegram ndër të tjera thuhet:I nderuari z. President,
Kam kënaqësinë më të madhe, që t’ju dërgoj, Juve dhe të gjithë popullit të Kosovës, urimet më të ngrohta dhe më miqësore me rastin e përvjetorit të dytë të Ditës së Pavarësisë.
Uroj bashkëpunim të frytshëm ndërmjet dy vendeve në dobi të popujve tanë, në shërbim të paqes e të stabilitetit, si dhe në funksion të realizimit të vizionit tonë të përbashkët, për integrim europian e euroatlantik.
Ju lus të pranoni, z. President, shprehjen e konsideratës sime më të lartë.
I Juaji sinqerisht, Gëzim Hajdinaga

Ulqin 5.2.2010: Kabineti i Kryetarit të Komunës së Ulqinit hedh poshtë me indinjatë si të pabazë, tendecioze dhe dashakeqe kumtesën e z. Genci Nimanbegu të publikuar në medija.
Ky ekspert i gjithëanshëm këtë rradhë paraqitet si mbrojtës i informimit, por nga ajo që shkruan shihet qartë se ai dhe mentorët rreth tij nuk kanë lidhje me informimin dhe aq më pak me informimin shqip.
Është për tu habitur dhe për të ardhur keq sesi mundohet të vërtetojë të pavërteten që gjoja Kabineti i Kryetarit merret me përkthimin e gazetës Koha Javore dhe të njejtën e dërgon në adresë të udhëheqësisë së Pobjedës.
Z.Nimanbegu në kumtesën e tij fillimisht, njofton opinionin me letrën që i ka dërguar Kryetarit të bordit drejtues të Pobjedës dhe në këtë mënyrë tenton që gjoja problemin ta bëjë publik dhe të jetë ai që do të marrë meritat për shpëtimin e Kohës Javore.
Që habia të jetë më e madhe, ai ndryshe komunikon me z Sekuliq, ndryshe me Kryeredaktorin e Kohës dhe ndryshe me opinionin.
Me të tilla veprime vështirë se do ti besojë ndokush shpëtimtarit të   Kohës nga ’’kthetrat’’ e Kabinetit të Kryetarit të Komunës.
I bëjmë me dije z. Nimanbegu dhe njërëzve përreth tij që Kryetari Hajdinaga, si udhëheqës i lartë i një subjekti shqiptarë e më pas si anëtarë i Qeverisë së Malit të Zi, ka dhënë një ndihmesë të pashlyeshme për informimin shqip dhe veçmas për Kohën Javore, e që vazhdon të angazhohet për një informim korrekt dhe të paanshëm.
Z. Nimanbegu, e dijmë që do të dëshpëroheni, por e vërteta është një!
Kabineti i Kryetarit Hajdinaga as është marrë e as që e ka ndërmend të merret me përthimin e gazetës Koha Javoje.
Por ti dhe mentorët rreth teje e dijnë që kabineti përcjell krahas të tjerave edhe shkrimet që kanë të bëjnë me aktivitetet që zhvillon Kryetari dhe varësisht informimit reagon kur e sheh të udhës.
Një gjë e tillë ka ndodhur edhe me gazetën në  fjalë të datës 14 janar 2010 ku është përcjellur në mënyrë integrale deklarata e Ministrit të Rregullimit Hapsinorë në të cilën ai ndër të tjera thotë ,, që tenderi për Plazhin e madh ka dështuar edhe për shkak të mospërkrahjes së komunitetit lokal, ndërkohë që titulli në gazetë ka dalur ,,Kritika dhe pushtetit lokal,, (ne e dijmë që kjo të shkon ty përshtati) por, në këtë tekst kemi reaguar sepse ti duhesh ta dijshë që dallimi ndërmjet komunitetit lokal dhe pushtetit lokal është i madh.
Kjo ka qenë vërejtja e vetmja e jona më cgjë kemi njoftuar udhëheqësinë e Pobjedës e që ne takimin e përbashkët me Kryeredaktorin e  Kohës Javore është pranuar se është përvjellur gabimi që nuk do të përseritet.
Kjo juve ju duket shkelje e lirisë së shtypit dhe tentativë për të mbyllur Kohën Javore?!
Po ti z Nimanbegu në çgjuhë keni komunikuar me zotin Sekuliq?!
Me të tilla gjera bini shumë poshtë si njeri dhe si deputet.
Këtë, jemi të sigurtë që e kupton i tërë opinioni i gjerë dashamirës i fjalës së lirë.
Kabineti i Kryetarit të Komunës së Ulqinit ka biseduar shtruar me Kryeredaktorin e Kohës për të gjitha çështjet dhe bashkarisht jemi pajtuar për një bashkepunim të frytshëm, korrekt dhe në interes të  opinionit te gjere.
Andaj, jemi të sigurtë që edhe Kryeredaktorit të Kohës nuk i  duhen dhe nuk i nevojiten mbrojtës siç jeni ju, sepse ai e din dhe është i vetëdijshëm se me këtë, jo vetëm që nuk përfiton askush por pëson opinioni i gjërë për të cilin është dhe i dedikohet Koha Javore.

Ulqin 3.2.2010: Kryetari i Komunës së Ulqinit z.Gëzim Hajdinaga ka vazhduar aktivitetet dhe takimet zyrtare me qëllim të realizimit të idesë për hapjen e kolexheve  të huaj në Ulqin 

Kryetari i Komunës së Ulqinit z.Gëzim Hajdinaga u takua në Tiranë me Drejtorin e përgjithshëm të Kolexheve turke z.Numan Gylem dhe bashkëpunëtorët e tij.

Në takim u bë një sublimim i të gjitha aktiviteteve të deritanishme dhe u vlerësua angazhimi permanent i kryetarit të Komunës së Ulqinit në realizimin e idesë për hapjen e një kolexhi bashkohorë evropian turk edhe në Komunën e Ulqinit.

Pas një takimi të hapur dhe tejet miqësore u la që Kryetari Hajdinaga të inicojë një takim me zyrtarët e lartë republikan për çështje të arsimit në Mal të Zi të cilët do të jepnin pëlqimin për hapjen e dy kolexheve të niveleve të ndryshme në Podgoricë dhe Ulqin të cilët do të ishin të gatshëm që të fillonin nga puna në vitin e ri shkollore 2011.

Rrjeti i kolexheve turke nëpër botë është shumë i madh. Në ta angazhohen  mësimdhënës me grada të larta shkencore nga vende të ndryshme të botës, ambientet ku zhvillohet aktiviteti mësimore janë tejet bashkohorë.

Në kolexhin turk që vepron në qytetin e Shkodrës mësimet të cilat zhvillohen në gjuhën angleze i ndjekin një numër i madh i të rinjve nga qyteti ynë dhe interesimi është gjithnjë e në rritje.

Krahas kësaj strukturat udhëheqëse komunale janë në kontakt edhe me përfaqësuesit e kolexhit austriak.

Ulqini 13.1.2010: Komuna e Budves do të ndajë 10.000 euro për zonat e përmbytura në territorin e komunës tonë.Kështu u tha në takimin që Kryetari Hajdinaga pati në kabinetin e tij me nënkryetarinë Budvës z. Milenko Medigoviq dhe sekretarin për investime të këtij qytetin z.Dragan Maroviq. Ditë më parë ndihmë financiare dhe materiale premtuan kryetarët e komunave të Bjello Poles, Rozhajes dhe Plevles Në ndërkohë shtabi i emergjencave në Ulqin kërkesë për ndihmë ka adresuar në shumë adresa në vend dhe jashtë.

Ulqin 12.1.2010: Sukseset e Klubit të karatesë “Ulqini” vazhdojnë edhe në vitin 2010
PETAR BARLLOVIQ HAP RRUGË TË REJA
Më 08.01.2010 në Samobor të Kroacisë u mbajt turneu i XIX ndërkombëtar i karatesë “Grand Prix Croatia 2010”, në të cilin morën pjesë 18 shtete.
Garuesi i klubit të karatesë “Ulqini” Petar Barlloviqi, tashmë më i njohur për të gjithë për rezultatet e tija të shkëlqyera, si në gara të nivelit më të lartë në vend , ashtu dhe jashtë vendit. Petar Barlloviqi, në mesin e garuesve të 18 shteteve, u kurorëzua me medaljen e argjendtë në luftëra individuale në kategorinë -61 kg. Ai pati 4 luftëra, prej të cilave fitoi tri. Kundërshtari i parë ishte i përfaqësueses së Italisë, të cilin e mundi me rezultatin 3:0, luftën e dytë e pati me përfaqësuesin e Sllovakisë, ndaj të cilit triumfoi me rezultatin 2:0, ndërsa në luftën e tretë u ndesh me përfaqësuesin e Kroacisë, të cilin e mundi 6:2. Në finale, në meçin e katërt, ka luftuar kundër përfaqësuesit të Maqedonisë, ku humbi me rezultatin 2:1 dhe fitorja i takoi maqedonasit, pak edhe me ndihmën e referëve. Barlloviqi me këtë prezentim të denjë i hapi vetes një rrugë të re për pjesëmarrje në Kampionatin Evropian të Karatesë, i cili do të mbahet më  5-6-7 shkurt në Izmir të Turqisë. Atje ai do të shkojë si pjesëtar i Përfaqësueses shtetërore të karatesë së Malit të  Zi, pasi që gara në Samobor shërbeu edhe si test për garuesit e kësaj përfaqësueseje.
Në këtë turne nga rradhët e Klubit të karatesë “Ulqini” mori pjesë vetëm Barlloviqi, edhe pse edhe garuesi ynë Granit Rexha ishte në listën e të zgjedhurve për Përfaqësuese, por për shkaqe subjektive, Graniti nuk mundi të marrë pjesë në këtë garë. Përfaqësuesja e Malit të Zi mori pjesë me kadetë, juniorë , seniorë të rinj dhe seniorë në ditën e parë të garës, ku u ndeshën në mes vetes përfaqësuesit e reprezentacioneve zyrtare të 18 shteteve, ndërsa ditën e dytë kanë punuar gjeneratat e reja të klubeve të ndryshme.
- Ky është një fillim i mbarë i sezonit të parë të garave për vitin 2010 pas sukseseve të mëdha të vitit të kaluar, i cili ishte viti më i suksesshëm deri tani. Viti 2009 ka qenë me të vërtetë viti i trofeve të mëdha, viti i kampionëve, viti i artë për klubin tonë, - shprehen të kënaqur trajnerët Naim Duraku dhe Kujtim Sukaliqi, të cilët po punojnë vazhdimisht në përgatitje të garuesit Barlloviq. SHËRBIMI PËR MARRËDHËNIE            ME PUBLIKUN I KK "ULQINI"

Ulqin 4.1.2010. Kryetari i Komunës së Ulqinit Gëzim Hajdinaga kryesoi një takim  të shtabit për situata të jashtëzakonshme.Nisur nga situata e krijuar ditëve të fundit në Shqipërinë fqinje, ku për shkak të rreshjeve të mëdha atmosferike, përmbytjeve dhe    hapjen e portave të shkarkimit të hidrocentraleve, shtabi u informua detalisht se si paraqitet situata në Bunë dhe fshtarat e prekur – Shas, Lisën Fraskanjel etj.
Bazuar nga informatat e grumbulluara nga terreni, vizitat e ekipeve dhe kontakteve të vazhdueshme u vendos që të vihet komunikim zyrtarë ndërministrorë, e të merren të dhëna zyrtare nga Shqipëria  dhe konformë kësaj të merren masa adekuate.U la që një ekip ekspertësh të vizitojë argjinaturën në Bunë dhe  ajo të jetë në mbikqyrje të vazhdueshme.Në ndërkohë do të përgatiten të dhëna që kanë të bëjnë me numrin e fuqisë punëtorë dhe paisjeve që disponon komuna në rast të përkeqësimit të situatës.Kryetari i Komunës Gëzim Hajdinaga, nesër me ekipin e tij do të dalë në terren dhe do të vizitojë nga afër fshatrat tanë që kanë pësuar dëme nga përmbytjet. Ai insistoi që situata të jetë nën kontroll të vazhdueshëm dhe të bëhet evidenca e qytetarëve të cilët kanë pësuar dëme materiale, e të insistohet nga organet relevante  në ndihmën e tyre.