Susana Llolla/GRUAJA E ZEZË
Realizimi kompjuterik
fati dessign,Ulqin
Tirazhi 1200
UDK..................... : 891.983(497.1)-1
Shtypi: Montenegropublic, Podgoricë
COBISS.CG-ID............ : 1030416
Per katalogizim:
Llolla , Suzana/GRUAJA E ZEZË,
Botues: ART CLUB, Ulqin, 1995,
Redaktor: Basri çapriqi, Suzanna Llolla,
GRUAJA E ZEZE

GRUAJA E ZEZË
Ekstravagancën gëzimi e bën hafif
të zbulojmë hallallin e gjinisë,
kush tha ta prekësh
kur sëmuret barku
moskthimin lërja mjekësisë. 

I thanë një hije i luan në kokë
është e marre apo shtiret?
Morracakët, nëpunësit e trurit
tejkalohen me flokë.
Gruaja e zezë përleshet me vete
si nuk shitet mend ditën e premtë
apo mirësjellja të shpërvilet
t' i pickojë për jetë.

Qeshem gjer ne fikje.
Radiopërhapjet redaktohen vetë
hartoj pa korrigjime
disa shoshin dhe për mbret. 

Ekstravagancë të përpiu gjuha
dikur ke folur me Gruan.
Tash zhytej ne Ilafosje
nëntë pashë gjuhë ke lëshuar
taksirati i gabzherit
me strofkën e mbuluar. 

Pse se ndalon atë trajner mësimkeq
të veçohet ajo gjini
tërësisht po na përfshijnë
për bashkëfajësi. 

NDJENJA

Shushurit rëra nga këmbët e zbathura
freskinë e ujit lëshon,
një pikë vese,
një lule
derën e jetës kërkon. 

Labirintet mbesin te pazgjedhura
 ne erresiren qe flen,
nje pike loti,
nje dhimbje
në zemër të mos jenë. 

Melodi e dhimbshme pas nesh këndohet
në ndërprerjen e një zjarri
një lajmërim,
një dashuri
nga aromë malli.  

Ndjenja lundëron më fuqinë mbinatyrore
gjelbëroi jetën
një fillim,
një forcë
për yjtë që aty mbetën.

Fjala dridhshëm shpirtin e ngacmoi
e ishte e bukur
një valë,
në jetë
për fundin e lumtur.